Су тасқынынан зардап шегіп, көмекке зәру Қазақстанның өңір-өңіріндегі халықтың жағдайына шоу-бизнес адамдары да алаңдаулы.
Қиын күндері бір-біріне қолдау білдірген қазақстандықтар қатарына танымал продюсер Баян Мақсатқызы мен белгілі тележүргізуші Динара Сәтжан да қосылды. Бұл туралы Facebook-тегі жеке парақшасында қайырымдылық шара бастамашыларының бірі – саясаттанушы Ерлан Сайыров жазды.
Баян Мақсатқызы мен Динара Сәтжан «Республика өңір даму» қоғамдық қорының кеңсесіне киімдер мен азық-түліктер алып келген. Сөйткен олар жан-жақтан жиналған гуманитарлық көмекті үлестіру жұмыстарына да атсалысыпты. Үлестіру жұмыстарын «Премьер» сән агенттігінің қыздары да үлес қосуда.
Айта кетейік, 20 сәуір күні Астанадан елдің су тасқыны болған аймақтарына алғашқы гуманитарлық көмектер жөнелтіледі. Сонымен қатар, қоғам қайраткерлері мен бизнес өкілдерінің қатысуымен баспасөз-мәслихаты өтеді.