Жақсы оқитын студенттердің үйлену тойын өткізіп береді
Тәжікстан мемлекеттік коммерция университеті жақсы оқитын студенттердің үйлену тойын өткізіп беретін болды.
“Олар да біздің балаларымыз. Біз олардың сабақта күйеуге шығу емес, оқу туралы ойлағанын қалаймыз. Сол себепті біз оларға той шығынын ректорат көтеретінін айттық”, – деді университет ректоры Хамидуллохон Факиров.
Тәжік социологы Марьям Давлатова университет ректоры оның орнына студент қыздардың аспирантураға түсуіне көмектессе жақсы болар еді деп есептейді. “Соңғы уақытта елде білім алған қыздарға деген сұраныс көбейді – көптеген ата-ана келіннің дипломы болғанын қалайды”, – дейді ол.
Дүниежүзілік Банк баяндамасында Тәжікстанда тұрмысы нашар отбасылардың балалары негізінен жоғары білім ала алмайтыны айтылған. Деректерге қарағанда, жоғары оқу орындары студенттерінің 72 пайызы – ауқаттылардың балалары.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе