Теңге тағы да нығайып жатыр! Оның долларға шаққандағы бүгінгі бағамы биылғы мамырдағы деңгейіне жеткен. Ұлттық валютадағы оңды өзгерістерді сарапшылар мұнай өндірісін азайтуға келіскен ОПЕК-тің шешімімен тікелей байланыстырып отыр.
Бұл туралы КТК хабарлайды.
Өйткені, осы шешімнен кейін «қара алтынның» құны едәуір өсті. Мәселен, Brent маркалы мұнайдың бір баррелі былтырғы шілдеден бері бірінші рет 57 доллардан сатылып жатыр. Бұл жағдай биржаға да әсер еткен. Доллар 3 теңгеге кейін шегініп, бағамы -329 теңге 68 тиын болды. Ақша айырбастау орындары қазір оны 330 теңгеден қабылдап, 331 теңгеге сатуда.