Еліміздің қорғаныс саласының әлеуетін күшейтуге, жақсартуға бағытталған қарекеті өз нәтижесін беріп жатқан сыңайлы.
Бұл ретте Global Firepower рейтингісі назар аударуға тұрарлық-ақ. Global Firepower беретін мәліметтердің бұқаралық ақпарат құралдарындағы түрлі әскери-сараптамалық бағыттағы мақалаларға жиі іргетас болатыны өз алдына, осынау орталықтың тәуелсіз, барынша әділетті жасаған рейтинг жүйесі бар.
Осынау рейтингінің былтырғы жылғы көрсеткішінде еліміз 55-ші орынға орналасқан болса, биылғы жылы бірден бес саты көтеріліп, 50-ші орынға жайғасыпты.
Әскери саланың мамандарының айтуынша, мұны тамаша жетістік деуге әбден негіз бар. Себебі, осы рейтингтегі мемлекет әскери әлеует көрсеткіші жыл өткен сайын жақсару үстінде.
Ал біздегі кейінгі орындарға:
Ал 2018 жылдың рейтингісінде Қазақстан Сирия (49-шы орын) және Эфиопиямен (51-ші орын) бір қатарда тұрғаны жайы бар.
Ал осы рейтингінің көш басында – АҚШ тұр. Айта кетейік, АҚШ өзінің былтырғы жылғы көшбасшылық орнын сақтап қалған. Екінші орынға – Ресей, үшінші орынға Қытай орналасқан.
Әскери әлеуеті мықты державалардың ондығына, төмендегідей мемлекеттер орналасыпты:
Әрбір елдің әскери әлеуетіне шолу жасайтын осынау рейтингке әлемнің барлығы 136 мемлекеті енген екен. Биылғы жылы бұл тізімге Черногория, Ирландия және де Либерия мемлекеттері қосылды.
Рейтингінің өзіндік есептеуінде мемлекеттердің бүгінгі таңдағы экономикалық хал-ахуалы, саяси және әскери көшбасшылығы назарға алынбайды.
Сарапшылардың пікірінше, бұл рейтингтің басты артықшылығы – «кішігірім, алайда технологиялық тұрғыдан дамыған мемлекеттердің – ірі, бірақ даму жағынан әлсіздеу мемлекеттермен бәсекелесуіне мүмкіндік беретінінде.
Ал бұл өте әділетті есеп. Мінеки, ілгеріде атап көрсетілген көрсеткіштерді негізге ала отырып, Global Firepower – әскери әлеует рейтингінде Қазақстанды 136 мемлекеттің арасында 50-інші орынға қойғанын айтты. Иә, рас бір кездегі одақтастарымыз Беларусь, Өзбекстан, Украина мен Ресей – біздің алдымызда тұр. Дегенмен, оларды қуып жету уақыттың еншісінде деп білеміз.
Global Firepower рейтингі Қазақстанның әскери әлеуеті туралы төмендегідей мәліметтер келтірген:
Ал қару-жараққа келетін болсақ, келесідей мәліметтер белгілі екен:
Рейтингте келтірілген экономикалық сипаттағы басқа мәліметтер (бюджет, логистика, жағырапиялық жағдай) бізге былай да таныс. Солай. Қару-жарағымыз бен экономикалық мүмкіндіктеріміз осындай екен.