Ұят-ай. Астаналық қыздың интим суреттерін Желіге жігіті салып жіберіпті

Астаналық қыздың интим суреттерін жігіті таратып жіберген.  

Бұл туралы Астананың мамандандырылған ауданаралық әкімшілік сотына сілтеме жасап Tengrinews.kz хабарлады.

Қыздың айтуынша, оның суреттері Желіге жігітінің кесірінен шығып кеткен, сүйіктісі интим суреттерді қателесіп, WhatsApp мессенджеріндегі топтардың біріне салып қойған.

“Сот отырысында қыз жігітінің оқиға болған күні Hummer маркалы көлік сатып алғанын және көліктің жанында әдемі сурет жасауы үшін, үйдің ауласында шешінгенін айтқан, ал жігіт ұялы телефонының камерасына түсіріп алған. Бұл суреттер екеуара қолдануға ғана түсірілген. Алайда қыздың сүйіктісі қателесіп, WhatsApp мессенджеріндегі Hummer көліктерінің қоғамдастығы тобына салып жіберген. Ол кінәсін толықтай мойындады, ендігіде мұндайды қайталамайтынын айтып отыр”, – делінген сот құжатында.

“Шамамен 20.30-да Астанадағы Қалдаяқов көшесінің бойында орналасқан “Лондон” тұрғын үй кешенінің қоғамдық орын болып есептелетін автотұрағында жалаңаш суретке түскен, осылайша айналасындағыларға сыйламаушылық көрсеткен және қоғамдық тәртіпті бұзған”, – делінген соттың қаулысында.