Үстірт қорығындағы тағы бір барыс фототұзаққа түсті
Барыстың сирек кездесетін түрі Үстірт қорығында фототұзаққа түсті. Бұл туралы Twitter-де Қазақстанның экология, геология және табиғи ресурстар министрі Мағзұм Мырзағалиев мәлім етті.
Орта Азиялық барыс Үстірт қорығында түсірілген видеодан көрінді. Болжам бойынша ол Маңғыстау облысына Түрікменстаннан келген. Мағзұм Мырзағалиев қазір мамандар барысты республиканың Қызыл кітабына енгізу бойынша биологиялық негіздеме дайындап жатқанын хабарлады.
— Қазақстанда бұл сирек кездесетін аң, жалпы популяция саны 870-1,3 мыңды құрайды. Бұл тек осы қорықта кездеседі. Сондықтан қорықты тиісті жағдайда сақтау, еліміздің осы және басқа да бірегей аумақтарында табиғат қорғау шараларын орындау аса маңызды, — деп атап өтті министр.
Бозжырада салынатын жаңа қонақ үйдің құрылысына байланысты Барыстың тіршілік ету ортасына қауіп төнуі мүмкін. Бұған дейін Маңғыстау облысының әкімі мен Маңғыстау облысы бойынша өңірлік экология департаментінің директоры құрылысқа қатысты пікір білдірген болатын.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз