Ұшақта лаң шығарған чех азаматы үш бап бойынша жауапқа тартылды
Астана қаласы әуежайындағы Ішкі істер желілік бөлімінің кезекші бөліміне әуежайдың Қауіпсіздік қызметі диспетчерінен «Будапешт-Астана» бағытындағы ұшақ бортында құқық бұзушы азаматтың бар екендігі жөнінде хабарлама келіп түсті.
Көлік полицейлері тексеру барысында Чех Республикасының 51 жастағы азаматын анықтады деп хабарлады Көліктегі ІІД баспасөз қызметі.
Медициналық куәландырудың қорытындысына сәйкес, құқық бұзушының жеңіл дәрежедегі масаң күйде болғаны анықталды. Құқық бұзушыға қатысты қоғамдық орындарға масаң күйде келу, әуе кемелерінде мінез-құлық ережелерін бұзу бойынша әкімшілік хаттамалар толтырылды және 5 АЕК (12025 теңге), 3 АЕК (7215 теңге) көлемінде айыппұл салынды.
Сондай-ақ, оның үстінен ұсақ құқық бұзушылық жөнінде әкімшілік хаттама толтырылып, Астана қаласының мамандырылған ауданаралық әкімшілік сотына жіберілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе