Атырау тұрғындары соңынан қара түтін секілді бір нәрсе созылған ұшақты видеоға түсіріп алды. Әлеуметтік желі пайдаланушылары әуе кемесі қаланың үстінен бірдеңе шашып жатыр деп болжам жасады.
— Ұшу алды режимінде қоспаның байытылады, мұндай кезде ол шашырайды, басқаша айтқанда, шығарынды түзіледі. Бұл қалыпты жағдай. Кеңестік өндірістегі ұшақтардың барлығы дерлік осындай әсер береді. Ұшақ биіктікті, номиналды режимді еңсергеннен кейін қара түтін жоғалады. Сондықтан да уайымдаудың себебі жоқ, — дейді Атырау облысының коммуникация қызметі.
Бұған дейін әлеуметтік желілерде тікұшақпен және ұшақпен «коронавирус шашқаны» туралы жалған ақпарат тараған еді. Оны СІМ мен Қорғаныс министрлігі жоққа шығарды.