Үш облыста су тасқынының екінші толқыны болуы мүмкін
«Қазгидромет» Қазақстанның үш өңірінде су тасқынының екінші кезеңі қаупі төніп тұрғанын хабарлады. Синоптиктердің айтуынша, су тасқыны мына аймақтарға қауіп төндіріп тұр:
- Батыс Қазақстан облысында тасқын су Жайық өзенімен Ресей аумағынан келеді.
- Атырау облысында су ағыны Батыс Қазақстан облысынан Жайық арқылы жүреді.
- Солтүстік Қазақстан облысында екінші толқын Жабай және Қалқұтан салалары арқылы Есіл өзенінің бойымен жүреді.
Ақтөбе, Қостанай, Ақмола, Атырау және Солтүстік Қазақстан облыстарында 4870 жеке тұрғын үй мен 1264 аула аумақтары су астында қалып отыр. 9,3 миллион шаршы метр астам еріген су сорылып, 1,9 миллион қап пен 1,2 миллион тонна инертті материал төселді. 3402 тұрғын үй мен 2041 аула аумақтарынан су бұрылды.
Айта кетейік, су тасқыны басталғалы 107 119 адам құтқарылды және эвакуацияланды, оның 38 457-сі балалар. Жұмылдырылған ұшақ 3458 адамды, оның ішінде 1138 баланы құтқарды. 11 674 адам үйлеріне оралды. Уақытша қоныстару пункттерінде 7414 адам болса, оның 3173-і балалар. 103 146 төрт түлік қауіпсіз жерге шығарылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе