Қырғызстан премьер-министрі Сооронбай Жээнбеков Өзбекстанға сапары барысында осы елдегі әріптесі Шавкат Мирзияевпен кездесті, деп хабарлады ҚР үкіметінің баспасөз қызметі.
Жээнбеков Қырғызстан президенті атынан Ислам Кәрімовтың қазасына байланысты көңіл айтты. Мирзияев өзбек халқы мен елі үшін қиын-қыстау заманда қолдау білдіргені және Ислам Кәрімовпен қоштасу рәсіміне қатысқаны үшін Жээнбековке алғысын білдірді.
Кездесуге қырғыз сыртқы істер министрі Эрлан Абдылдаев, Жогорку Кенеш спикерінің орынбасары Нұрбек Әлімбеков, депутат Әнуар Артықов және ҚР Өзбекстандағы елшісі Данияр Сыдықов қатысты.