ҰБТ-дан ең жоғары 140 балл алған қыз қандай мамандық таңдағанын айтты
ҰБТ-дан ең жоғарғы 140 балл алған алматылық түлек Шиара Құдайбергенова қай жоғары оқу орнына түскенін айтты, – деп хабарлайды Tengrinews.kz.
Бүгін биылғы білім гранты иегерлерінің толық тізімі жарияланды. Шиараның айтуынша, ол Алматыдағы Сүлейман Демирел атындағы университетке түсті, бұл жоғары оқу орнында “Қаржы” мамандығы бойынша білім алады.
“Мен негізі логист болғым келген, бірақ ол мамандық қазір электронды түрде дамып жатыр екен. Мен СДУ-да қаржы мамандығын таңдаған себебім, 4 жылда xалықаралық 14 сертификаттың 9-ын алып шығамын. Бұл сертификаттар басқа ЖОО-да берілмейді екен. Ал қаржыгерлерге бұл сертификат ауадай кажет”, – деп түсіндірді ол өз таңдауын.
https://kaz.365info.kz/ybt-dan-en-kop-ball-zhinagan-tylekke-arnajy-syjlykh-beriledi-313661
Еске салайық, Алматыдағы Қожа Ахмет Яссауи атындағы № 123 мектеп-гимназиясының түлегі Шиара Құдайбергенова биылғы ҰБТ-дан 140 балл жинаған.
Кейін ол тестілеуге қалай дайындалғанын айтып берген. Ал мектеп директорының айтуынша, Шиара ҰБТ-ға таңғы төрттен бастап дайындалған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе