Венгрия үкіметі қазақстандық жастарға 250 грант бөлді

30 қараша 2018, 10:55

Бұл ҚР Білім және ғылым министрлігі мен Венгрияның адам ресурстарын қорғау министрлігі арасындағы 2013 жылғы 19 қарашасындағы білім және ғылым саласындағы ынтымақтастық туралы келісімге сәйкес мүмкін боп отыр деп хабарлайды «Болашақ» сайты.

Осы бағдарлама аясында Венгриянын тарапынан Қазақстан азаматтарына келесі бағдарламаларға 250 грант бөлінген:

бакалавриат бағдарламасы бойынша 110 орын (өнер, гуманитарлық, ауыл шаруашылығы, техникалық ғылымдар)

магистратура бағдарламасы бойынша 90 орын (техникалық ғылымдар, ауыл шаруашылығы, өнер)

бакалавриат және магистратураның бірлескен бағдарламасы бойынша 5-тен 6 жылға дейін оқу мерзімімен 30 орын (жалпы медицина, фармацевтика, стоматология, архитектура, заң, ветеринарлық хирургия, ауылшаруашылық саласындағы инженерия, сәулет саласындағы инженер)

докторлық бағдарлама бойынша 20 орын (барлық бағытта)

Грант келесі шығындарды қамтиды: тегін оқу; бакалавриат пен магистратура бойынша ай сайынғы стипендия – 130 евро, докторантура – 450-580 евро; жатақханада тұру (немесе айына 130 евро мөлшерінде жалға берілетін тұрғын үйді төлеу); медициналық сақтандыру.