ҚР Президенті кубогі үшін бокстан халықаралық турнирдің жартылай финалында Василий Левит пен Назым Қызайбай қарсыласын жеңе алмады.
Левит жартылай финалда ресейлік Садам Магомедовтен жеңілді. Төрешілер 3:2 есебін айтты, деп хабарлады Қазақстан бокс федерациясының баспасөз қызметі.
«Оны жеңем деп дайындалдым. Бапкерім дайындады. Бәрі жақсы болды. Левиттің айқас кезінде оған жақындап соққы беруді қалайтынын білем. Бапкерлерім оны күтіп, келгенді қарсы ал деп үйретті», – дейді Магомедов.
Назым Қызайбай жапондық олимпиада чемпионы Намики Цукимиден жеңілді. Есеп 3:2. Енді жеңімпаз финалда тай боксшысы Раксат Чутаматпен шықпақ.
Финалға барлығы 4 қазақстандық қыз шықты. Екі жапон қызы, Таиланд пен Швецияның бір-бір спортшы қыздары бар.
Ерлер арасында 12 қазақстандық, үш өзбекстандық, Филипппин мен АҚШ-тан бір спортшыдан шығады. Шешуші сәт 10 маусым күні болады.