Мұнайлы ел деген атағы болса да, кедейлігі көрініп тұратын Қазақстанның бас қаласы – Алматыға шетелден көп қонақ келгелі отыр.
Қала әкімі Бауыржан Байбек Универсиада кезінде қалаға сырттан 2200 спортшы мен олардың басы-қасында жүретін тағы 100-ден астам қонақ келетінін мәлімдеді, деп хабарлайды Zakon.kz.
Былайша айтқанда,
қазақтардың ескі-құсқы көліктерімен қала аумағына кіруі қиындайды.
Қалаға күнде келіп, «таксист» болып күн көретіндер бала-шағасымен бірге қиналатын сияқты.
Универсиада қатысушылары үшін 519 арнайы көлік жүреді. Қазіргі 28 автобус бағыттарына Орталық стадион, «Саяхат» және «Алматы-1» вокзалын қамтитын тағы 18 бағыт қосылады екен.
«Қаңтардың 29-ы мен ақпанның 8-і аралығында 9 ірі базар мен сауда орындары жабылады. Мектеп оқушылары каникулға кетеді. Осылай қала көшелерін 30 пайызға босатамыз», — депті қала әкімі.
Универсиада-2017 Алматыда қаңтардың 29-ы мен ақпанның 8-і аралығында өтеді. Қазақстан құрамасы сапында ел намысын 168 спортшы қорғамақ.