Өзбекстан Бас прокуратурасы тұңғыш президент Ислам Каримовтің үлкен қызы Гүлнәр Кәрімованың қамаудан босағаны туралы ақпаратты жоққа шығарды.
Азаттықтың Өзбек редакциясының хабарлауынша, прокуратура Кәрімованың «өзіне шыққан сот үкімін заңға сай өтеп жатқанын» мәлімдеді.
Бұған дейін Гүлнара Каримованың қызы Иман Кәрімованікі делінген Instagram парақшасында оның Ташкенттен Лондонға ұшып барғаны хабарланған.
Өзбекстан бас прокуратурасы Иман Кәрімованың елден кетуіне кедергі жасалғанын терістеді.
2017 жылы шілдеде Өзбекстанның бас прокуратурасына қарасты ұйымдасқан қылмыс және коррупцияға қарсы күрес басқармасы елдің бірінші президентінің қызы Гүлнәр Кәрімова жайлы хабар таратқан.
Бұл мекеме таратқан хабарламаға қарағанда, 2015 жылғы тамызда Ташкент облыстық қылмыстық істер жөніндегі сот Гүлнәр Кәрімованы ақша жымқыру және бопсалау баптары бойынша айыпты деп танып, оған бес жылға бас бостандығын шектеу үкімін кескен.
