Қазақстанда жұмыс жоспарына сәйкес барлық тұрғын үй-коммуналдық шаруашылық пен әлеуметтік нысандарды 2017-2018 жылғы жылыту маусымына дайындықты аяқтау ағымдағы жылдың 15-қазанына жоспарланған.
Осындай құжатты ҚР Инвестициялар және даму министрлігі жария етті, – хабарлайды ведомствоның баспасөз қызметі.
Құжатта 21-қыркүйекте Қазақстанда жылу маусымына қалай дайындық жүріп жатқаны баяндалады.
Әкімдіктердің мәліметтері бойынша, орталықтандырылған жылу жүйесіндегі қазандықтарды жөндеу жұмыстарының 97 пайызы аяқталған, сондай-ақ республика бойынша 21,6 мың шақырым электр беру желілері жөнделген, бұл жылдық жоспардың 89 пайызын құрайды.
Жалпы алғанда, күзгі-қысқы кезеңге электр энергиясын өндіруге дайындық мәселелері бойынша айтарлықтай проблемалар жоқ, деп хабарлады ҚР Энергетика министрлігі.