Твумаси, тірі қалғаныңа тәубе де…
“Астана” футбол клубының шабуылшысы Патрик Твумасидің үйін үптеп-түптеп кетіпті.
Твумаси мен туысқандары дін аман. Қарақшылар футболшының баспанасындағы бар байлықты қалталарына басқан.
Айтып қоялық, бұл қазақстандық қарақшылар емес, Патриктің өз жерлестері. Қаптесерлер футболшының Гана астанасындағы қымбатты ауданда орналасқан үйіне түскен. Ауыр заттарды неғылсын. Твумасидің маңдай тер, адал еңбегімен тапқан жүздеген мың долларын оп-оңай алып кеткен.
Ал футболшының өзі Жаңа жылдық мерекені туған жерінде қарсы алмақ болыпты.
“Қарақшылар жиған-тергенімді алып кетті. Туысқандарымның қақ маңдайына тапанша төседі. Оларға үйдегі құнды заттар мен ақшаның бәрін бере салудан басқа амалым болмады” деп жазыпты футболшы.
Твумаси, байлық қолдың кірі. Тірі қалғаныңа тәубе деу керек…
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз