Трамптың арманы белгілі болды
АҚШ президенті Дональд Трамп елі “әлемнің ең үздігі” болу үшін ядролық арсеналды кеңейткісі келетінін мәлімдеді. Бейсенбі күні Reuters ақпараттық агенттігіне берген сұхбатында Трамп Құрама Штаттардың ядролық қуаты түсіп кеткенін айтқан.
Құрама Штаттар мен Ресей арасындағы СНВ-3 деп аталатын стратегиялық шабуылдаушы қаруды он жылға қысқарту жөніндегі жаңа келісімде келесі жылдың ақпан айынан бастап ядролық әлеуеттерін қысқарту көзделген.
Трамп осының алдында 2015 жылдың шілде айында әлемдік держава мен Иран арасындағы “Тегеран ядролық бағдарламаны шектеген жағдайда, Иранға санкция алынатыны” жөніндегі жасалған келісімді бірнеше рет сынаған. Америка президенті сұхбатында Мәскеудің өз аймағында қанатты зымыран орнатқанын, мұның 1987 жылғы келісімге қайшы келетінін атап өткен.
«Мен үшін бұл маңызды келісім»,- деді Трамп. Ол егер Ресей президенті Владимир Путинмен кездесетін болса, бұл мәселені талқылайтынын жеткізді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе