Германия канцлері Ангела Меркель Құрама Штаттар президенті Дональд Трамптың босқындар мен жеті мұсылман елінің азаматтарын АҚШ-қа баруына тыйым салатын жарлығын “қателік” деп атады.
Канцлердің пікірінше, терроризммен күресті күшейту үшін адамдардың шығу тегі мен діни сеніміне күмән келтіруге ешқандай негіз жоқ. Бұл туралы Германия үкіметінің ресми өкілі Штеффен Зайберт 29 қаңтарда мәлімдеді.
Германия канцлері Меркель АҚШ президенті Трамппен телефон арқылы сөйлесіп, оны G20 тобының саммитіне шақырды. Саммит биыл шілде айында Гамбургте өтеді.