АҚШ президенттігінен үміткер Дональд Трамп егер жеңіске жететін болса, қаңтар айында болатын инаугурацияға дейін Ресей президенті Владимир Путинмен кездесуі мүмкіндігін айтты. Трамп АҚШ билігі сайлауға араласып отыр деп айыптайтын Ресей лидеріне жақын екенін білдірді.
Осыған дейін де Трамп Путинді құрметтейтінін, Вашингтон мен Мәскеу арасындағы қарым-қатынастың қауіпті екенін ескерткен.
“Егер мен 8 қарашада жеңіске жетсем, Путинмен қызметіме кіріскенге дейін кездесер едім”, – деген Трамп 8 қарашада сайлау кезінде бұрмаланушылық орын алуы мүмкін екенін айтады.