АҚШ президенті болып сайланған Дональд Трамп Ресей қарым-қатынасын “қайта жаңарту” мүмкіндігін жоққа шығарып, бірақ Вашингтон мен Мәскеу Сирияға қатысты ынтымақтасу керек деді. Ол бұл жөнінде 23 қарашада New York Times газетіне берген сұхбатында айтты.
Ол АҚШ-тың Ирактағы соғысы туралы бұрын айтқан сөздерін қайталап, “бұл біздің тарихымыздағы ең үлкен қателік болды” деп атады. Трамп Сириядағы жағдайды реттеуге байланысты өзінің бірнеше “күшті идеясы” бар екенін айтқан. Бірақ әзірге таратып айтуды жөн көрмеді. “Біз Сириядағы болып жатқан ессіз жағдайға нүкте қоюымыз керек”, – деді ол.
Дональд Трамп Ресей мен Құрама Штаттар терроризммен қарсы күресте ортақ тіл тауып, ынтымақтасуы керек деп есептейді. Алайда ол Мәскеумен қарым-қатынасты “қайта жаңғырту” мәселесін теріске шығарды.
“Мен бұл терминді қолданбағанды жөн көремін”, — дейді Трамп.