Трамп “өркениетті қорғау үшін” ИМ-ді жоюға уәде етті
АҚШ президенті Дональд Трамп одақтастарымен бірге “Ислам мемлекеті” экстремистік тобын жоюға уәде етті. “Біз “Ислам мемлекетін” жоямыз, біз өркениетті қорғаймыз. Бізде басқа таңдау жоқ”, – деп мәлімдеді Трамп Иордания патшасы Абдолла екіншімен бірге өткізген баспасөз мәслихаты кезінде.
Ақ үй басшысы Хан-Шейхун қаласының Идлиб елді-мекеніндегі химиялық шабуылдар жөніндегі ақпараттан кейін, Сирия президенті Башар Асадқа деген көзқарасын өзгерткенін атап өткен. Оның сөздерінше, үкімет армиясының химиялық қаруды пайдалануы “шектен шыққандығы”.
4 сәуірде сириялық оппозиция Хан-Шейхунда ондаған адамның қайтыс болғанын мәлімдеді. Жергілікті дәрігерлер жүйке-сал газын қолданған деген күмән келтіреді. Көтерілісшілер бұған Сирия армиясын кінәлайды.
Құрама Штаттар мен Еуроодақ елдері Сирия президенті Башар Асадты химиялық шабуыл жасады деп айыптады. БҰҰ жанындағы АҚШ-тың тұрақты өкілі Никки Хейли егер БҰҰ-ның Қауіпсіздік Кеңесі шара қолданбаса, Сирия үкіметіне санкция салынатынын ескертті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе