Алматыда «Томирис» фильмінің продюссері, Анна Чакиртова із-түзсіз жоғалып кетті, деп хабарлайды ҚазАқпарат тілшісі.
Бұл туралы Фейсбук желісінде оның достары мен әріптестері хабарлады.
Анна 2-шілде күні Қонаев-Бөгенбай көшелерінің қиылысындағы үйінен кешкі сағат 20-00-ге таман шығып кеткен. Соңғы рет әйелдің дәріханада жүргені сағат 20-04-дер шамасында бейнекамераға түсіп қалған.
Естеріңізге салсақ, Анна Тоқтамысқызы Чакиртова 1976 жылы Өскемен қаласында туған. Кино саласының маманы, сценарист 2000 жылдан бастап 7 фильмге продюсерлік еткен. Оның ішінде «Анаға апарар жол», «Рэкетир», «Қарашаңырақ» сияқты фильмдер бар.
Қазір ол Sataifilm түсіріп жатқан «Томирис» фильмімен жұмыс жасап жатқан еді.