“Тисең тие бер!”. Қазақстанда некесін қидыртқан шетелдіктерге жер сатылмайтын болды
Жер туралы заң жобасында шекаралас аудандарда жер учаскелерін шетелдіктерге және шетелдіктермен некеде тұрған азаматтарға беруге тыйым салу қарастырылып отыр.
Бұл туралы Sputnik Қазақстан хабарлады.
Заң жобасында шекаралас аудандарда ауылшаруашылығы жерлерін беруге қойылатын талаптар күшейтілмек.
“Заң жобасында шекаралық белдеу және шекаралық аймақта орналасқан жер учаскелерін шетелдіктерге, азаматтығы жоқ адамдарға, шетелдіктермен некеде тұрған ҚР азаматтарына, сонымен бірге шетелдік заңды тұлғаларға және шетелдіктердің қатысуы бар тұлғаларына беруге тыйым салынады”, — деп баяндады ҚР Ауыл шаруашылығы министрінің орынбасары Ерлан Нысанбаев мәжілісте өткен отырыста.
Айта кетейік, былтыр елімізде жер дауы туындап, халық біраз дүрліккен болатын. Ел азаматтары жер кодексіне енгізілген бірнеше өзгеріске, атап айтқанда ауылшаруашылығы мақсатындағы жерді сату және шетелдіктерге жалға беру мерзімін ұзартуға қарсылық танытып, бірнеше өңірде шеру де өтті.
Осыдан кейін президент жер кодексіндегі бұл өзгерістердің күшіне енуіне мораторий жариялап, жер реформасы жөніндегі комиссия құрылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе