“Тезек жинап кеттік қой” . Кентауда малға арналған “айыппұл қорасы” ашылды
Оңтүстік Қазақстан облысының Кентау қаласында иесіз үй жануарларына арналған “айыппұл қорасы” ашылды.
Бұл туралы өңірдің ішкі істер департаментінің баспасөз қызметі хабарлады.
Бұл идеяны ұсынған полицейлер екен, өңірдің билік өкілдері де ұсынысты қолдапты. Өйткені барымташыларды ұстағанда малды қайда жіберерін білмей полициялар әбден әбігерге түседі екен.
Облыстың барлық ауданында арнайы аумақтар бөлініп, тиісті құжаты, ені немесе басқа белгісі жоқ, қараусыз қалған үй жануарларына арналған “айыппұл тұрағы” ашылады. ІІД түсіндіріп өткендей, бұл мал ұрлығының алдын алып, мал бағуға жауапкершілікпен қарауға шақырады.
“Облыстағы алғашқы “айыппұл тұрағы” Кентауда пайда болды. Тәртіп сақшылары ені немесе басқа белгісі жоқ, қараусыз қалған малдарды осында әкеледі. Сосын полицейлер әкімшілік айыппұл салу үшін малдың иесін іздейді. Тиісті құжаттар көрсетілгеннен соң мал заңды иесіне қайтарылады немесе екі куәгермен келіп, малын алып кетулеріне болады”, — делінген хабарламада.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз