Теріскейде орақ науқанының дәл қызған шағында дизель отыны тапшы бола бастады
Осыны пайдаланған шағын жанармай бекетттері айналасы бір айдың ішінде оның бағасын екі рет өсірді. Ал ірі желілер оны тек талонмен ғана сатып жатыр.
Бұл туралы КТК хабарлады.
Тұрғындар түсірген мына кадрларда шаһардың қоғамдық көліктері жанармай үшін түнімен қаңтарылып кезекте тұр. Өйткені күндіз көптеген бекеттерге ұзын-сонар кезектен бас сұға алмайды. Тамыз айынан бастап дизель отынының бағасыда бензин сияқты Үкімет тарапынан бақыланбайтын болған еді. Салдарынан нарықтағы тапшылықты байқаған шағын операторлар бағаны бірден өсірген. Қазір дизель отыны бар бекеттер литрін 134-140 теңгеден сатып жатыр. Салыстыру үшін айтайық, осыдан бір ай бұрын ғана солярканың литрі 99 теңге еді. Теріскейге отынның бұл түрі Павлодар , Шымкент және Ресейден әкелінеді.
– Бұл тапшылық күзгі орақ науқанына байланысты. Оның үстіне осы айда Павлодар мұнай өңдеу зауыты жөндеу жұмыстарына байланысты жабық тұрды. Сондықтан министрлік біздің облысқа қыркүйекке дизель отынын әдеттегіден 7 мың тоннаға артық бөлді. Бүгін-ертең цистерналар Петропавлға жетуі тиіс.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе