Нұр-Сұлтан
Қазір
25
Ертең
27
USD
425
-0.18
EUR
454
+3.50
RUB
7.3
+0.13

Теңге бағамының 700-ге дейін төмендеуі болмайды — талдаушы

280

Жалпы алғанда, Ресей валютасы құлдырау шегіне жетті, енді оны АҚШ доллары үшін 90-120 рубль кең сауда дәлізінде ұзаққа тұрақтандыру кезеңі күтіп тұр. Esperio брокерлік компаниясының талдаушысы Нұрбек Ысқақов осылай деп есептейді.

Рубльді не күтіп тұр?

— Курс серпіні бірқалыпты болмайды: 2022 жылы тек қаржы алаңдарында ғана емес, саяси, сондай-ақ экономикалық тұрғыда да жоғары құбылмалылық сақталады. Сәуір-мамыр айларында Ресейдің қаржы нарығындағы жағдай тұрақтана бастайды. Бұған ұзақ кідіріс немесе тіпті Ресейдің Украинадағы арнайы операциясының аяқталуы, содан кейін екі тараптың келісімдерге қол жеткізуі немесе соған жақындауы себеп болуы мүмкін.

Оқиға осылай өрбісе рубль Украинада соғыс басталғанға дейінгі бағамдық деңгейге қайта оралуға тырысады, 24 ақпанда бағам АҚШ доллары үшін 85-90 рубль болды. Бұл келісімге мамырда қол жеткізуі мүмкін

Өкінішке орай, Ресей валютасына осы деңгейлерде қалу өте қиын болады, өйткені Ресей экономикасына санкциялармен соққы жасалды. Ал мұның  теріс салдары 2022 жыл бойы айтарлықтай байқалады. Сондықтан мамыр-маусымнан кейін Ресей валютасының бағамы жыл соңына қарай АҚШ доллары үшін 115-125 рубльге дейін әлсіреудің жаңа толқынына бейім болады, – деп болжайды ол.

2022 жылға арналған теңге бойынша болжам

Ысқақовтың айтуынша, Қазақстанның ұлттық валютасының бағамы үшін перспективалар ұқсас. Тығыз сауда байланыстары арқылы Ресейге жасалған санкциялық соққы Қазақстан экономикасына да әсер етті. Сондықтан алдымен теңге бағамы шамамен мамыр айының соңына қарай бір АҚШ доллары үшін 465-470 дейін нығаяды деп күтілуде. Ал кейін қазақстандық ұлттық валюта қайтадан төмендей бастайды, 2022 жылдың соңына қарай АҚШ доллары үшін 515-525 дейін наурыздағы минимумдарға оралуы мүмкін.

— Теңге бағамы үшін 2022 жыл ішінде Қазақстан экономикасына да, теңгеге де қосымша қысым көрсететін басқа да сын-қатерлер болатыны сөзсіз. Мұнда, ең алдымен, мұнай бағасының барреліне 60-70 долларға дейін төмендеу ықтималдығын атап өткен жөн,

сондай-ақ әлемдегі ірі орталық банктердің монетарлық саясатты синхронды қатайтуына байланысты әлемдік экономиканың айтарлықтай баяулауы.

Мұның бәрі теңге бағамына теріс әсер етеді. Бірақ егер геосаяси тәуекелдер жойылатын болса, Қазақстанның Ұлттық Банкі мен ел үкіметіне 2022 жылдың шеңберінде қазақстандық валютаның барынша ауқымды төмендеуіне жол бермеу үшін ресурстар жеткілікті.

Бәрі соншалықты нашар емес

— Бәрі нашар дегеннің өзінде, егер әлемдегі экономикалық құлдырау және мұнай бағасының төмендеуі неғұрлым күшті болса, теңге бағамы жыл соңында АҚШ доллары үшін кем дегенде 525 теңгемен аздап жаңартылады, бірақ одан артық болмайды.

Біз алдағы жылдары АҚШ доллары үшін 700 теңге сияқты апокалиптикалық бағамдарды күтпейміз. Мұндай сценарийлердің ықтималдығы өте аз

2023 жылдың және одан кейінгі бес-жеті жылдың перспективаларына қарап, теңге де, рубль де біртіндеп және тұрақты қалпына келтіру трендінің жақсы мүмкіндігіне ие болатынын атап өткім келеді.

Бағамдық бағдарларды әзірше атау қиын, бірақ Украинада әскери арнайы операцияның басталғанға дейінгі бағамды қайтару, яғни АҚШ доллары үшін 430 теңгеден төмен, өте ықтимал, сондықтан біз үшін базалық сценарий болып табылады.

Сондықтан жинақтар портфелінің құрылымын құра отырып, біртіндеп шетел валютасына акценттен бас тартып, бекітілген табыстылығы бар теңгелік құралдарға: мемлекеттік облигацияларға, банк салымдарына көбірек көңіл аударған жөн. Олар 2022 жыл бойы және, мүмкін, 2023 жылдың бірінші жартысында өте маңызды болады.

Келесі жылдары жылжымайтын мүлік, қымбат металдар және акциялар сияқты басқа құралдарға назар аударуға болады, олар сол кезде төмен және тартымды бағаға ие болуы мүмкін”, — деп түйіндеді ол.

Серіктестер жаңалықтары
Көп қаралған
© «365 Info», 2014–2022 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз