Таразда атқарылған жұмыстар брифингте баяндалды

Үгіт-насихат жұмыстарының алғашқы толқынында желілік кестеге сәйкес, облыстық және Тараз қалалық мәслихаты депутаттығына кандидаттардың және сенімді өкілдердің қатысуымен 82 шара өткізілсе, Қазақстан Республикасы Парламенті Мәжілісіне кандидаттардың қатысуымен 25 кездесу ұйымдастырылды. Бұдан бөлек штабтың кестесі аясында күнделікті онлайн және оффлайн режимде қоғамдық қабылдаулар өткізілуде. Бүгінге дейін осындай 20 қабылдау ұйымдастырылып, тұрғындардың талап-тілектері тыңдалды. Атқарылып жатқан жұмыстар туралы материалдар республикалық, облыстық, қалалық бұқаралық ақпарат құралдары мен әлеуметтік желілерде тұрақты жарық көруде.

Қазіргі таңда партияның Тараз қалалық сайлауалды штабы кандидаттар мен сенімді өкілдердің басын қоса отырып, үгіт-насихат жұмыстарын белсенді жүргізуде. Тараз қаласында 11 округ бар екендігі ескеріле отырып, штаб мүшелерінен жасақталған 11 топ құрылды. Одан бөлек 167 ерікті жұмылдырылған.