Тәжіктер “Талибан” қозғалысымен ауыз жаласқан ба?
Душанбеде Президент жанындағы Стратегиялық зерттеулер орталығының басшысы Худойберди Холикназар Ресей мен Қытай “Талибан” қозғалысымен “Орталық азиялық аймақтың қауіпсіздігі мен тұрақтылығын қамтамасыз ету мақсатында келіссөздер жүргізіп жатыр деп мәлімдеді.
Оның сөздерінше, Мәскеу мен Бейжің Ауғанстанның кейбір аймақтарында “Ислам мемлекеті” ұйымы жасақ құра бастағаннан кейін, “Талибан” қозғалысы басшыларымен диалогты бастаған.
Тәжікстандық саясаттанушының сөздерінше, “Ислам мемлекеті” экстремистік ұйымымен күрес Шанхай ынтымақтастық ұйымының басты мақсаты.
Жыл басында Кундуз провинциясының бұрынғы басшысы Умар Сафи соңғы екі жылда “Талибан” қозғалысы қолдарына түскен әскери техникаларды Тәжікстанға жөнелтеді, онда ресейлік мамандар жөндеуден өткізеді деп мәлімдеген.
Өткен жылдың соңында Ауғанстанның қауіпсіздік қызметі “Франс-пресс” ақпарат агенттігіне тәлібтермен күрес кезінде, олардан Ресейден шыққан қару-жарақтарды басып алдық деп мәлімдеген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе