ҚР Ауылшаруашылығы министрлігі Ветеринариялық бақылау және қадағалау комитетінің төрағасы Сақташ Хасенов Қазақстан аумағына ет өнімдерін әкелуге рұқсат бергені үшін ай сайын пара алып отырған.
Сақташ Хасеновтың заңсыз қамқорлығымен осы жылғы наурыз бен қазан аралығында ел аумағына 7,4 мың тоннадан астам құс еті әкелінген.
Қос құзырлы өкілдің алған параның көлемі 37 млн теңгеге жеткен. Қылмыстық жолмен келген ақшаны Сақташ Хасенов өз қажетіне жұмсаған. Оның ішінде осы жылы қазанда салоннан 2016 жылы шыққан Toyota Land Cruiser 200 көлігін сатып алған.
Қазір ол сот санкциясымен тұтқындалды. Сот алды тергеу жүріп жатыр.
Еске сала кетсек, 4-қарашада ҚР Сыбайлас жемқорлыққа қарсы іс-қимыл ұлттық бюросы пара алды деген айыппен ҚР ауылшаруашылығы министрлігі Ветеринариялық бақылау және қадағалау комитетінің төрағасы Сақташ Хасеновты ұстаған болатын.