Сырдария өзені тасып, 33 елді-мекенге қауіп төнуде
Күннің күрт жылынуы салдарынан Сырдария өзені арнасынан асты.
Кеше кешкілік Жалағаш ауданында тасыған су дария бойындағы бөгетті бұзып кетті деп хабарлады „Хабар-24„ телеарнасы.
Енді өзен етегіндегі Ақсу елді-мекені қауіпті аймақта қалып отыр.
Төтеншеліктер шұғыл көмекке ұмтылды. Зардап шеккендер жоқ. Көп ұзамай бөгеттің жырылған тұсы қалпына келтірілді. Дегенмен бірер минут бұрын Жалағаштың Далдабай ауылының тұсынан тағы да 800 метр бөгеттің бұзылып, су жайылғаны анықталды. Оқиға орнында жедел штаб құрылып, жүзге жуық төтеншеліктер жұмылдырылды.
Мамандардың айтуынша, өзендегі су деңгейі әлі де жоғары. Шардара су қоймасынан Сырдарияға 600 текше метр су түсіп жатыр. Қазір дария бойындағы 33 қауіпті аймақ анықталып, барлығы да бақылауға алынды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз