Светлана Подобедова да допинг дауына қатысты өз пікірін білдірді
Әлеуметтік желідегі жеке парақшасында қазақстандық ауыр атлет Светлана Подобедова допинг дауына қатысты өз пікірін білдірді.
«Бұл ақпаратты естігенде төбемнен жай түскендей болды. Мына жағдайда, тіпті, не істейтінімді де білмеймін. 2009 жылдан бастап Қазақстан атынан сынға түсе бастадым, осыған дейін барлық лицензиялық турнирлерде, соның ішінде, 2012 жылғы Олимпиада ойындарында да допинг-тестерден бірнеше рет өттім.
Барлық сынамада бойымда допинг жоғы анықталған еді, қайта тексеру процедурасын, спортшыларды қай принциппен іріктегені маған мүлде түсініксіз. 4 жыл өтті… Бұл тұтас бір кезең… неге Рио Олимпиадасына екі-ақ ай қалғанда осындай даудың шетін шығарып отыр. … Менің берер жауабымнан гөрі қояр сұрағым көп.
Алайда ТМД-ның белгілі спортшылары уақытша жарыстардан шеттетіліп отырғаны шындық. Осы сәттен бастап, мен өз құқығымды қорғаймын. Спорт әлемінде тұтанған дау-жанжал өртіне қарамастан, жаттығуымды жалғастыра беремін!, – деп жазды Инстаграмдағы жеке парақшасында Света.
Бұған дейін атақты спортшы Илья Ильин де әлеуметтік желі арқылы осы мәселеге қатысты пікірін білдірген еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе