Өзбекстан президенті Шавкат Мирзиёев қазіргі заманның қару-жарақтары мен әскери техникасын дайындаумен айналысатын отандық әскери өнеркәсіп кешенін құруды ұсынды.
Мемлекет басшысы бұл ұсынысын республиканың Қарулы Күштерінің құрылғанына 25 жыл толуына арналған мерекелік жиында айтты.
“Отандық әскери өнеркәсіп кешенін құратын кез келді”, – деп мәлімдеді Шавкат Мирзиёев.
Өзбек президентінің пікірінше, болашақта ғылыми өндірістік база құруды қолға алып, әскери өнімдер шығаруда әлемнің алдыңғы қатарлы елдерімен бірлескен кәсіпорындар ашу керек.