ҚР Сыртқы істер министрлігі баспасөз қызметінің жетекшісі Әнуар Жайнақов Стокгольмде болған жағдай туралы айтып берді, деп хабарлайды ҚазАқпарат.
«ҚР Сыртқы істер министрлігі, Қазақстанның Швециядағы өкілдігі Стокгольмде көліктің адамдарды басып кету оқиғасының мән-жайын анықтауда. Біздің дипломаттар Швеция астанасында зардап шеккендер туралы ақпаратты тексеруде», – деп хабарлады ол.
Жайнақовтың айтуынша, қазіргі таңда Швециядағы ҚР елшілігінің консулдық есебінде 120-ға жуық Қазақстан азаматы тұр.