Алдын ала мәліметтерге қарағанда, Стамбұлдағы лаңкестік шабуыл салдарынан 35 адам қаза тапқан, ал жараланғандар саны 40-қа жетті.
Бұл туралы Стамбұлдағы отандасымыз Нұрат Илияс жергілікті билікке сілтеме жасап хабарлады. Бұдан бұрын мәлім болғанындай, Санта Клаус костюмін киген екі ер адам “Рейна” түнгі клубына басып кіріп, бейберекет оқ атқан. Олар шабуыл жасаған кезде ғимараттың ішінде 700-800 адам болған. « 2017 жыл Түркияның ірі қаласында террорлық актімен басталды. Салафиттер түнгі клубқа кіріп автоматтан жаппай оқ ата бастады. Олардың пікірінше, Жаңа жылды мерекелеу – бұл харам. Және мұндай пайымдау әлеуметтік желіде таралған»,-деп жазды Нұрат Илияс Facebook-те. Ол Стамбұл университетінде «тюркология» мамандығы бойынша докторантурада оқиды. Үш жылдан брі осы қалада тұрады.
https://youtu.be/IgkZ-5z6kGM
https://youtu.be/ePpJwUN_cgk