Сол керек. Павлодарда полицейлерді мазақ қылған қос келіншек қар тазалады

Ащы суға әбден қанған екеуі түнде облыс әкімдігі ғимаратының алдына келіп ерсі әрекеттерін одан әрі жалғастырған. Ыдыс таппаған соң арақты бөтелкенің аузынан сіміре беріпті. Алена мен Ольга бұл әрекеттерін полиция өкілдерінің салғырттығын көрсету үшін істеп жатқандарын айтып қояды. Алайда, полиция оларды кейін тауып, сазайын берді. Әрқайсысына 40 мың теңгеден айыппұл салып, әрі бұзақылық әрекеті үшін тағы сот алдында жауап бермек. Бұл ісіне өкінген екі қыз жұрттан кешірім сұрап, айыбын жуу үшін қолдарына күрек ұстап қар тазалады.

Кешіріңіздерші. Полиция жақсы жұмыс істейді. Қатты ұялып тұрмыз сол видео үшін. Кешіріңіздер!