Шығыс Қазақстан облысында үкіметтік емес ұйымдардың өкілдері уақытша тіркеуге мароторий енгізуді сұрады.
Бұл туралы YK-news.kz сайтына сілтеме жасап, ҚазАқпарат хабарлады.
Басылымның келтірген дерегіне сүйенсек, азаматтардың кейбір сауалына нақты жауап беру мүмкін болмаған. Себебі, республикамызда уақытша тіркеудің тәртібін толығымен реттейтін ережелер, бұйрықтар мен басқа да құжаттар әзірге жоқ.
Мысалы, егер адам өзінің саяжайында жарты жыл тұрғысы келсе, оның тіркелу керектігі белгісіз. Егер адам шалғайда орналасқан ауылға қонаққа барса, тіркелу үшін аудан орталығына баруы керек пе?
«Жаңа ереже еліміздің көптеген заңдары мен кодекстеріне түсініспеушілік алып келді. Парламентке, ҚР Ішкі істер министрлігіне уақытша тіркеу нормаларына қатысты мораторий жариялауды сұрап, хат жолдау қажет», – деп мәлімдеді «Бірге» қоғамдық бірлестігінің төрайымы Лидия Ситникова.