Шымкенттегі көпқабатты тұрғын үйден төрт адамның мәйіті табылды
Шымкентте көпқабатты тұрғын үйден төрт адамның мәйіті табылды. Алдын ала мәлімет бойынша, қайғылы оқиғаға газдан улану себеп болуы мүмкін. Оқиға Студенттік қалашық шағын ауданында болған. Қаза тапқандар бір подъездегі үш түрлі пәтерден табылған.
Көршілердің айтуынша, бір пәтерден 31 жастағы әйел мен 16 жастағы қыздың мәйіті анықталған. Ал екінші қабаттағы басқа пәтерден 23 жастағы жігіттің денесі табылған. Тағы бір марқұм – үшінші қабаттағы жалдамалы пәтерде тұрған студент қыз.
Осыдан кейін оқиға орнына полиция шақырылған. Құтқарушылар подъезді аралап, басқа пәтерлерді де тексере бастаған. Тексеру барысында тағы бірнеше адамның мәйіті табылған.
Үй тұрғындарының айтуынша, подъезде газ секілді иіс бірнеше күн бойы сезілген. Алайда олардың айтуынша, бұл жағдайға байланысты ешқандай шара қолданылмаған. Полиция бұл дерек бойынша адам өліміне әкеп соққан қызмет көрсету фактісі бойынша қылмыстық іс қозғалғанын хабарлады. Қайғылы жағдайдың мән-жайы анықталып жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе