Шымкентте 1 млрд. теңгеге жаңа көпір салынды
Шымкентте Оңтүстік шағынауданы мен қала орталығын байланыстыратын көпірдің құрылысы аяқталды, деп хабарлайды ҚазАқпарат otyrar.kz-қа сілтеме жасап.
6 жолақты теміржол өткелінен автокөліктер емін-еркін жүре бастады. Көпірді қайта құру жұмыстары 2014 жылы басталған болатын. Енді осы өткел арқылы екі жыл бойы жаяу қатынаған шымкенттіктердің қуанышында шек жоқ. Жергілікті билік қалалықтар қиналмасын деп, 1 қыркүйек күні көпірдің бір бөлігін пайдалануға берген еді. Өйткені, қалаға келіп-кету тұрғындарға қиындық тудырған болатын. Екі ай өткеннен кейін көпірдің құрылысы толық аяқталып отыр.
Мердігер «Береке А» корпорациясы 1 млрд. теңгеден астам қаржыға ұзындығы – 500, ал ені 24 метрлік көпір салды. Кеңес дәуірінен күрделі жөндеу көрмеген ескі көпірдің ені бұрын 8 метр ғана болатын. Тар өткелден қозғалған көліктер жиі кептеліп, апаттар да орын алатын. Енді мұнда көліктерге де, жаяу жүргіншілерге де емін-еркін жүруге мүмкіндік бар. Құрылыс екі жылға жүргізілді. Оңтүстік шағынауданы тұрғындарынан бөлек, бұл жолдың ашылуын төлебиліктер де асыға күтті. Оларды да облыс орталығымен байланыстыратын ең ыңғайлы жол осы болып отыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз