“Шық бері!”. Аграрлық университеттің студенттері төбелесіп, біреуі мерт болды
Алматыдағы Қазақ ұлттық аграрлық университетінің жатақханасында І және ІІ-курстың шамамен 10 студенті түнгі уақытта төбелес шығарған.
Бұл туралы қалалық прокуратураның баспасөз қызметіне сілтеме жасап, Tengrinews.kz хабарлады.
“Түнгі сағат бірде Қазақ ұлттық аграрлық университетінің жатақханасында І және ІІ-курс студенттерінің арасында төбелес шыққан. Салдарынан І-курстың 1999 жылғы студенті қаза тапты. Пышақ жарақаты немесе басқа да көрінетін жарақаттар жоқ, дене жарақаты да анықталмады.
Төбелес шығып, бір студент қаза тапты. Жедел жәрдем шақырған, олар студенттің қайтыс болғанын айтқан. Бұл дерек сотқа дейінгі бірыңғай тергеу реестріне тіркелді”, – деді Алматы қалалық прокуратураның баспасөз қызметіндегілер.
Прокуратураның баспасөз қызметінің мәліметінше, 10 адам төбелескен. Зардап шеккендердің бірі кәмелет жасына толмаған. Төбелеске қатысқан барлық адам ұсталды. Қазір тергеу шаралары жүргізіліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе