Шығыс Қазақстанда комсомол ұйымының 100 жылдығы тойланбақ
ШҚО-да комсомол ұйымының 100 жылдық мерейтойы тойланбақ, деп хабарлайды Алтайньюс.
Жақында Қазақстан коммунистік халық партиясы қоғамдық бірлестігінің облыстық филиалы дөңгелек үстел өткізген. Жиында комсомол ұйымының алдағы мерейтойы тойланатыны айтылған.
Қазақстан коммунистік халық партиясы қоғамдық бірлестігі Шығыстағы филиалының екінші хатшысы Сергей Михеев: “29 қазанда комсомол ұйымының құрылғанына 100 жыл толады.
Бұл ұйым кезінде елдің дамуына зор үлес қосқан. Біздің партия кеңес одағы идеологиясын жалғастырушы болғандықтан, комсомол ұйымына қатысты жақсылықтарды еске алмақ.
Сондай-ақ қазіргі жастар саясатын жетілдіру үшін ол ұйымнан қажет тұстарын алуды ұсынбақпыз”, – дейді.
– Жас мамандарды қолдау, ипотекамен тұрғынүй беру, білім алу гранттары сынды жобалар маңызды әрине.
Бірақ бұлар аймақтық және салалық деңгейде маңызды. Қазір жастарға үлгі болатын тұлғалар мен ұлттық құндылықтарды насихаттау өте күңгірт. Жастар батыстың кинолары мен бағдарламаларын көріп, жағымсыз образдарды таңдауда.
Зерттеулер нәтижесінде анықталғандай, жастар молшылық пен жайлылықты қалайды. Бірақ соған лайық еңбектенбейді екен. Сондай-ақ олар шет елге көшіп кетуге әуес.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе