ШҚО-да тағы бір ауыл арақтан бас тартты
Шығыс Қазақстан облысы аумағында алкогольден толық бас тартқан ауылдар саны артып келеді. Егер 2025 жылы мұндай елді мекендер саны 21 болса, 2026 жылы олардың қатары 26-ға жетті.
Кезекті болып Тарбағатай ауданына қарасты Бозша ауылы аталды. Бұл бастама ауыл жастарының ұсынысынан туындап, кейін ақсақалдар мен тұрғындардың толық қолдауына ие болған.
Соның нәтижесінде шешім бірауыздан қабылданды. Өңір әкімдігінің мәліметінше, алкоголь өнімдерін сатуға шектеу қойылған ауылдарда құқықбұзушылықтар саны азайған. Әсіресе мас күйінде жасалатын қылмыстар, тұрмыстық жанжалдар мен ұсақ бұзақылық деректері төмендегені байқалады.
Бозша ауылында бүгінде 154 тұрғын тұрады, шамамен 60 үй бар. Елді мекен қоғамдық өмірдің белсенділігімен ерекшеленеді: мұнда тұрақты түрде спорттық шаралар өткізіліп, салауатты өмір салты күнделікті мәдениетке айналған.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз