Нұр-Сұлтан
Қазір
-2
Ертең
1
USD
429
+0.75
EUR
508
+0.50
RUB
5.57
+0.02

Сенатор денсаулық сақтау саласындағы олқылықтар үшін халықтан кешірім сұрады

Мұрат Бахтиярұлы, сенат депутаты

«Сенаттың Әлеуметтік-мәдени даму және ғылым комитеті отырысында Денсаулық сақтау министрінің денсаулық сақтау саласындағы жасалып жатқан жұмыстарын жан- жақты талқыладық, —

дейді сенатор.

Қордаланып қалған проблемалар жеткілікті. Тозығы жеткен денсаулық саласындағы ғимараттар, медициналық құрал-жабдықтар, ауылдық жерлерде медпункттер, ФАП, ауылдық амблуториялар, білікті дәрігерлер жетіспейді. Дәрігерлер мен орта буынды мамандардың айлығы төмен. Еліміздегі дәрігерлер даярлайтын алты ЖОО-да инфекционист, вирусолог т.б. салалық мамандар даярламайды.

Соңғы он жыл ішінде екі үлкен «Салауатты Қазақстан» бағдарламасын қабылдап, оған триллиондаған қаржы бөлінгенімен Денсаулық сақтау жүйесінде оң өзгеріс болды деп айта алмаймыз. Жүйелік қателіктерге көп ұрынды. Халық сыны мен қарғысының астында қалып, көптеген азаматтарымыздың өмірін сақтап қала алмадық. Халықтан тағы да кешірім сұраймыз.

Депутат енді мұндай қасіретті жағдайды ешқашан болдырмауымыз керек дейді.  Оның айтуынша, қазір дәрі-дәрмектің екі айға жететін қоры бар. Тек бағасын қадағалап отыру керек. ИВЛ аппараттарын өзімізден шығарып жатыр. Барлық өңірлерде жаңа инфекциялық ауруханалар іске қосылатын болады.

Біз «Денсаулық саласы қызметкерлерінің мәртебесі» туралы заң қабылдауды ұсындық. Министрдің нық сөзіне қарап 2023 жылға қарай дәрігерлердің орташа жалақысы 550 мың теңге шамасында болатынына көз жеткіздік. Министрді сұрақ жауаптың астына ала отырып, оның осы ауыр саланы жақсы білетіндігін көрдік және жанымен адал жұмыс жасайтынына тілектестік білдірдік».

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз