Ақтөбе облысының әкімі Бердібек Сапарбаев Ұлы Отан соғысы ардагерлеріне берілетін материалдық көмектің тең бөлінбегені үшін қарамағындағы қызметкерлерге ашуланды, деп хабарлайды Вaq.kz ақпарат агенттігі «Мой город» басылымына сілтеме жасап.
Ақтөбе әкімдігінде соғысқа қатысқан және мүгедек болып қалған 55 адамға Ұлы жеңіс күніне орай 300 мың теңгеден берілетіні хабарлады. Оның 120 мың теңгесі бір реттік төлем ретінде және 180 мың теңгесі сауығу мақсатында беріледі.
Облыс әкімі мұндай шешімді сынап тастады.
«Қандай принциппен бір ардагерге 300 мың, екіншісіне 100 мың теңге беру керек деп шештіңіздер? Барлығы 300 мың теңгеден алу керек. Бұдан бөлек ардагерлерге көңіл бөліп, қамқорлық тануымыз керек. Оларға азық-түлік себеті және тағы басқа сыйлықтарды беру қажет», – деді Сапарбаев.
Айта кетейік, Ақтөбе облысында соғысқа қатысқан 63 ардагер мен мүгедек және 6 258 тыл еңбеккері бар.
Астанадағы Ұлы Отан соғысының ардагерлері 511 мың 135 теңгеден алады. Ал, Алматыда Жеңіс күніне орай ардагерлерге
150 мыңнан 250 мың теңгеге дейін, ал оларға теңестірілген тұлғаларға 30-50 мың теңге көлемінде төлемақыны жоғарылатады. Сонымен қатар әкімдік ардагерлердің айсайынғы коммуналдық төлемдеріне көмек ретінде берілетін соманы 13 220-ден 15 630 теңгеге дейін өсіреді.