Өз жоқтауында қандасымыз Қытайға үдере көшкен кешегі қазақтың бүгіндері ұлттық болмысынан айырылып бара жатқанын қанжылаған жүрекпен жеткізді.
Қытай Халық Республикасында жыл сайын өтетін «Аз ұлттардың дәстүрлі әндер байқауына» қатысқан әнші қандасымыз Байболат Нұрболатұлы „Қайда екен?„ атты жан тебірентер әнімен топ жарып, үздік шықты.
Қазақтың салтын, өнерін, атқа мінген ата-бабамызды, ең бастысы, ескінің көзі болған қадірлі ақсақалдарымызды, үлкендер киген ұлттық киімді жоқтаған қандасымыздың әнін тыңдаған құлақ оның бүкіл қазақтың қабырғасын қайыстыратындай екенін айта алады.
Өлеңнің арасынан жұлып алған мәтіндерді де келтіре кетелік:
… Қайда екен атамның
Түлкі, елтірі тымағы?
Бау-буында кішінің
Ит боп үрді-ау күшігің
Тайға жауып қойыпты-ей
Атам киген ішігін.
Бас тұр аман, жан бүтін
Қайран ба екен, бар ма екен?
Ішігін көрдім екен-ай
Шалбары қайда қалды екен?..
Шалбарын тігіп аламыз
Саптамасы қайда екен?..
Қайда қалды екен-ай
Атамұра қоймасы-ей…