Нұр-Сұлтан
Қазір
2
Ертең
-3
USD
447
-1.37
EUR
482
-1.65
RUB
4.84
-0.02

“Сәләфтәр әйелдерін жыныстық қатынас үшін ауыстырады” – бойжеткеннің бастан кешкені

14475

Жас бойжеткен өз оқиғасын Islam.kz сайтында жариялаған.

Президент Нұрсұлтан Назарбаев «Қазақстан-2050» Стратегиясы қалыптасқан мемлекеттің жаңа саяси бағыты» атты Қазақстан халқына Жолдауында: «Біз мұсылманбыз, оның ішінде Әбу Ханифа мазһабын ұстанатын сүнниттерміз» деген.

Алайда, қазіргі қоғамымызда дәстүрлі исламнан бөлектенетін жандар көбейді. Аспанымыз ашық, күніміз бейбіт заманда, таяу шығыс елдеріне қарай шекара асуға не себеп болды екен?! Мына бір кейіпкеріміздің басынан өткен оқиға жоғарғы сөйлеміміздің айғағы.

Экс-салафит: «Сәләфтарға әйел тек тән құмарлығын қандыру үшін қажет»

«Бәрі де әлі күнге дейін көз алдымда», — дейді, есімін жұмбақ қалдырған кейіпкеріміз. Ойлап қарасам, бір Алланың өзі мені сақтаған екен. 2011 жылы ютуб порталынан видеолар қарап отырдым. Кездейсоқ бір видеоны көріп қалғаным бар. Ол видеода мұсылмандарға үндеу болатын. Сол видеоны басынан аяғына дейін көріп шықтым. Сол кезден бастап өзгеріп шыға келдім. Ылғи да ойлайтыным дін туралы. Сириядағы қырылып жатқан мұсылмандарды ойлаумен болдым. Дін ұстанған адам туралы іздене бастадым. Біздің қаламызда саляфи бағытын ұстанушылар өте көп еді. Бір күні үйде өзім қалдым. Қасиетті жұма күні болатын. Жұма намазға бару үшін мешітке бардым. Сол жерден бір жақсы қызды кездестіргендей болдым. Сол маған намаз оқуды үйретті. Содан компьютермен Сирия туралы қарай бердім. «Агент» деген әлеуметтік желіден саляфи бағытын ұстанушылар табылды. Солармен сөйлесіп, көптеген мән-жайларды білгендей болдым.

Кейіннен барып, «Мой мир» арқылы бір жігітті кездестірдім. Ұзақ сөйлесіп жүрдік. 2013 жылға дейін араластық. Ол шет елге барғысы келетінін айтты. Ол тура менің ойымдағыны айтты. Жатсам да, тұрсам да қарайтыным сол видеороликтер ғана. Содан ол жаққа менің де барғым келетіндігін жаздым. Мұсылмандарға көмектескім келеді дедім. Содан соң ол біздің қалаға келіп, неке қидырып алып кетемін деді. Керек нәрселерімді дайындап, жинап қоюымды алдын ала ескертті. Кейін ол кететін уақыты келгендігін жеткізді. Маған сол жаққа өзің кел деді. Кейін ол мүлдем хабарсыз кетті. Іздемеген жерім жоқ тіпті. Кейін естідім, сөйтсем ол Түркия арқылы шекарадан асып кеткен екен. Арада бірнеше ай өткен соң хабарласты. Өзінің аман-сау екендігін, Алеппода екенін айтты. Маған тез жет деді. Ол жақта уали болатын бауыры барын айтты. Ол бауыры осы күнге дейін ВК-да болды.

Мен, ақша табу үшін бала күтуші болып жұмыс жасадым. 2014 жылы ол тағы бір рет хабарласты. Баратын болсам күтіп алуға дайын екендігін айтты. Ақпан айында мен бәріне дайын болдым! Бірақ, анам ауырып калғанына байланысты кете алмай қалдым. Содан наурыз айы келді. Мен жолға керек дүниелерімді, билеттерімді дайындап қойдым. Сол күні маған белгісіз нөмерден қоңырау шалды. Қоңырау шалған адам, әлгі уали болатын бауыры екен. Жерлесіміздің шахид болғандығын айтты. Бірақ та мен оның сөзіне сенбедім! Маған ВК-ға кір деп өтінді. Кірсем, маған ол видеосын жіберген екен. Сол видеоны көріп, ол жаққа қатты барғым келді.

Сөйтсем, ол видеолар гипноздалыпты. Көз алдымда әлгі жігіт елестеді де жүрді. Қасымда жүргендей қорқатын болдым. Солай күндер өтіп жатты. Көптеген уағыз тыңдап, одан сайын басым айналғандай болды. Ғаламтордан уағызды күнде тыңдадым.

15 мың салафит? «Үш әріптің» қолында жоқ мәліметті Досай Кенжатай қайдан алды?

Бір күні бір жігіт «ДАИШ-ты қолдайсың ба, оппозицияны қолдайсың ба?» деп смс жазды. Мен «оппозиция» деп едім, «олар әлсіз, көпке дейін жер баса алмайды» деді. Мен айтқанымнан қайтпадым. Кейінірек Сириядан қайта оралған адамдардың қайғылы өмірі туралы видеолар көбейе бастады. Соларды көріп саясатты тіпті жек көріп кеттім. Өйткені бір мұсылманды заңмен соттап жатқанына қатты ашуым келді.

Содан бір күндері 1993 жылғы жігіт неке қидырғысы келетіндігін айтты. Анасынан бөлек тұратыны, анасымен қарым-қатынасының жақсы екенін айтты. Ал, менің отбасым маған ылғи да кедергі болатын. Менің ойымды жоққа шығаратын. Отбасымды, тіпті барлығын тастап кеткім келді де, ол жігітке өзімнің келсімімді бердім.

Ол әзірге келе алмайтындығын айтты. Кішкене уақытқа кешігемін деген. Сөйтсем, оның әйелі бар екен. Әйелімен ажырасыпты. Мен ол жігіт белгілеген орынға бармай қалдым. Кейін есімді жиғандай болдым. Ойымнан кетпейтін сол кездегі сұрақтың бірі – Ислам осындай дін бе еді? Екі дүниенің сардары болған пайғамбарымыз с.ғ.с. мұсылмандардың осындай болғанын қалады ма? Кейін тағы да есімнен Сирия шықпады. Жын қағып кеткендей күйде болдым. Өзімнен-өзім Сирияға бармағаным үшін жынданып, өзімді өзім ұрып, тырналайтынмын. Бір күні өзімнен өзім «кетем-кетем» деп айқайлай беріппін. Одан қорыққан туысқандарым үйге молда әкелді. Әлгі молданы көргенде, шайтанды көргендей оның жағасына жабыса кеттім. Осының барлығы есімде.

Содан кейін әлгі молданың сүре оқығанын білемін. Көзімді ашсам, ұйқыдан тұрып жатыр екенмін. Анама анау кісі қайда кешірім сұрайын дедім. Сөйтсем, кетіп қалған екен. Содан кейін Сирия туралы ұмытым. Әлгі жігіттің де аты есіме түспей қойды. Тыңдап жүрген уағызшыларымның да барлығының өлгенін естідім. Бойым бір жеңілдеп қала берді. Содан әлгі кісі үйге тағы келді. Молда үйге келіп, менде гипноз болғанын айтты.

Сириялық видеолар гипноздалады екен. Адамдарды өзіне тарту үшін. Кейін ол кездесу ұйымдастырды. Сириядан қайтып оралған қазақ қызы түрмеде екен. Сол қызбен оңаша әңгімелестірді. Ол қыздың көз жасын көріп, қатты аяп кеттім. Ол қыз да ғаламтор арқылы танысып отбасылы болған. Бал айы деп күйеуі Сирияға ертіп кеткен. Содан, Сирияда бір ай тұрған. Күйеуі шахид деп, күйеуінің Сириядағы досы келген. Қыз оған күйеуге шығыпты жалғыз қалмас үшін. Содан арада бірнеше аптадан соң, ол күйеуінде шахид деген.

Сөйтіп, ол қыз сегіз рет күйеуге шыққан. Бір күні сыртта жүріп ол өліп қалды деген күйеулерін көрген. Тіпті, бірінші күйеуі де тірі болып шыққан. Ол қыз барлығының өтірік екендігін біліп, қашуға бел буып, ақыры кұжатсыз елге оралған. Жылайды… Кұрсағымдағы баланы амалым жоқтықтан көтеріп жүрмін деп. Босансам, ол баланы жетімдер үйіне беремін дейді. Сирияда әйел адамды қатты қорлайды екен. Тек қана өздерінің ләззаттарын алса болды. Ешқандай да жиһад жоқ, қайта жыныстық қатынас көп дейді.

Мен, оны көріп Алла мені сақтаған екен дедім. Артынша тәубеге келіп, Ханафи мазхабына келгендігім бар. Ақидамнан енді адаспаспын деп ойлаймын. Бірақта, кейбір туыс ағаларым салафиттік жолды ұстанады. Кейде бұрынғы өміріңе қайт деп ақылдарын айтады… Бірақ та, оларға сөзім жүрмеген соң бірдеңе деу қиын!..

Ақтөбелік салафит өгей ұлын зорлап келген

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз