Бұл туралы Informburo.kz-ке сілтеме жасаған sn.kz хабарлайды. ҚР Дін істері жөніндегі комитет бүгінде салафизм ағымының болашағын талқылап жатқан көрінеді. Діни ағымдарға тыйым салу туралы ұсынысты жасайтын да осы ведомство.
Ақтөбе мен Алматыдағы лаңкестік оқиғалардан кейін Қазақстанда исламның ішіндегі салафизм бағытына тыйым салу мәселесі көтеріліп отыр. Ал, тыйым тек соттың шешімі шыққан жағдайда ғана салынады.
Бұл туралы Informburo.kz-ке сілтеме жасаған sn.kz хабарлайды. ҚР Дін істері жөніндегі комитет бүгінде салафизм ағымының болашағын талқылап жатқан көрінеді. Діни ағымдарға тыйым салу туралы ұсынысты жасайтын да осы ведомство.
Олардың айтуынша, мемлекет салафилердің әрекетіне барынша қатаң шаралар қолданатын болады.
“Бүгінде Қазақстанда тыйым салынған ағымдардың қатарында “Хизб-ут Тахрир”, “Таблиғи-жамағат”, “ат-Такфир уәл-Хиджра” сынды діни ұйымдар бар. Бұлардың соңғысы салафизм идеологиясы негізінде құрылған. Сот шешімімен енді бұл тізім тағы толығуы мүмкін. Тыйым салу оңай шаруа емес, әсіресе, үлкен бір діни ағым туралы сөз болып отырған сәтте. Ол үшін нақты дәлелдер керек. Қазір бұл мәселемен тиісті органдар айналысып жатыр”, – дейді Дін істері комитетіндегілер.
Айта кетейік, Қазақстанда салафизм ағымына тыйым салу мәселесі Ақтөбедегі лаңкестік оқиғадан кейін қызу талқыланып жатыр. 7 адамның өмірін жұтқан терактінің артында салафилердің тұрғанын Мемлекет басшысы Н.Назарбаевтың өзі де айтты.
Алайда, Елбасының бұл сөзімен келіспеген Мәжіліс депутаты Омархан Өксікбаев салафилерден келетін қауіптің жоқ екенін айтып сұхбат берді. Тіпті, ҚР Сыртқы істер министрі Ерлан Ыдырысов та саудиялық әріптестерімізді ренжітіп алмау үшін салафизмге тыйым салуға болмайтынын меңзеген.