Өзбекстанның санитарлы-эпидемиологиялық бақылау қызметінің мамандары Самарқан облысы Хишрав қышлағындағы суат маңынан табылған есектің еттері мен сүйектерінің көзін жойып, өртеді. Қазіргі уақытта құқық қорғау органдары бұл іске қатысты тергеу жұмыстарын бастап, есек етін қайда жеткізіп отырғанын анықтап жатыр.
– Мен мақаланы 6 желтоқсанда жарияладым, келесі күні аталған жерге жұмыс тобын жіберген. 8 желтоқсанда Самарқан облысының әкімі жиналыс өткізіп, құқық қорғау органдарына кінәлілерді тауып, есек сүйектері жатқан қорымды жоюға тапсырма берді. Осыдан кейін тиісті мекемелерден 50-60 адам жиналып, шұңқыр қазып, есек сүйектерін өртеп, залалсыздандыру шараларын жасады, – дейді Ташпулат Рахматуллаев.
Самарқан облысының ішкі істер департаменті қазіргі уақытта бұл іске қатысты әкімшілік іс қозғалғанын айтады.
Қазіргі уақытта есек етін хайуанаттар бағына апарды ма, әлде қоғамдық тамақтану орындарына жеткізді ме, белгісіз.
Ташпулат Рахматуллаев Самарқанда хайуанттар бағының жоқ екенін айтады.