Алтынай Жорабаева шетелде өнер көрсетіп жатқан Димаштың образын сынағандарға ашуланды.
Бұл туралы Stan.kz хабарлайды.
Бірнеше күннен бері желіде Димаш Құдайбергеновтың образына қатысты түрлі пікір айтылып жатыр. Арасында жақсысы да, жағымсызы да бар. Осы кейінгі пікірлер Алтынай Жорабаева мен Баян Есентаеваның ашуына тиген-ді. Олар желі қолданушыларын қосылып ұрысып тастады.
Егер сол ақылшылар Димаштан мықты болса, неге үйде отыр? Неге Димаш сияқты бәйгеге түсіп, тіпті өз салаларынан бәйгелерге қатысып, сол бәйгені неге жеңбейді? Жарайды, тіпті өнер саласы болмай-ақ қойсын, спорт, басқа да салаларға сондай сын айтқыштар көп! Керісінше бәйгеге түсіп көрген, өмірде біраз белестерге қол жеткізген адам ондай сын айтпайды. Керісінше қолдау көрсетіп, қосыла қуанып, оның бәріне жету үшін қаншама еңбек, күш жұмсалғанын сезіне алады… “Біткен іске сыншы көп” деп бекер айтылмаған екен ғой. Айналайын Димашжан, тек қана алға! Алла қолдасын сені! Бәрібір сен мықтысың”, – дейді Алтынай Жорабаева.
Оның осы сөздерін Баян Есентаева қоштай түсті. Тіпті, аталған жазбаны өзінің парақшасында бөлісті. “Құрбымды қолдағым келді”, – дейді ол.