Румыниямен тең ойнаған Қазақстан футболшылары 20 мың доллардан сыйақы алатын болды

Қазақстан құрамасының футболшылары Румыния командасымен тең ойнағаны үшін 20 мың доллардан сыйақы алады.

Бұл туралы «Астана», «Ақтөбе», сондай-ақ румыниялық бірнеше команданың бұрынғы бас жаттықтырушысы Йоан Андоне айтты, деп хабарлайды Sports.kz.

«Әр ойын сайын қарсыласың аяғыңнан шалып жатса, қалай ашуланбайсыз? Бұл өзі қызық әрі бұрыс ойын болды. Бірақ, Армениямен ойнаған матчпен салыстырғанда, әлдеқайда қиын еді. Оның үстіне, олар Черногориядан 0:5 есебімен жеңіліп келіп отыр. Бұған дейін поляктармен тең түскен, 2:2 есебін ескерсек, 0:0 – жақсы көрсеткіш. Бұл тең ойын үшін Қазақстан құрамасының әр ойыншысы 20 мың доллардан, я болмаса, 10 мен 20 мың аралығында алады деп ойлаймын», — деді Андоне.

Естеріңізге салайық, Қазақстан мен Румыния құрамасы Әлем чемпионатының іріктеу кезеңінің үшінші айналымындағы матчта 0:0 есебімен тең түсті. Румындықтар Қазақстан футболшыларының дөрекі ойынына наразылық білдірді. Бір румын футболшысының басына аяқ тиіп, ол 6 тісінен айырылған болатын.

Загрузка...